شرح استراتيجية هولي 5

15‏/11‏/2009

السلام عليكم ورحمةالله وبركاته
انا جربت استراتيجيات كتير و دايما مشكلة جزء كبير من الاستراتيجيات انها بيكون فيها نسبة تقديرية كبيرة يعني بتكون بتعتمد بشكل كبير علي خبرة صاحبها و بتكون مربحة بالنسبة ليه و لكن مليئة بالخسائر لينا و كل مانسال ليه خسرنا في دي يقول اصل كان في النقطة الفلانية و نضيفها علي الاستراتيجية و كل يوم نلاقي حاجات جديدة و نكتشف ان الموضوع كله يعتمد علي خبرات صاحيها

خلاصة الكلام انا هاشرح استراتيجية هولي 5 و انا سميتها علي اسم بنتي هولي

و انا هاحط ليكم قواعد واضحة زي الشمس و لكن اي تطوير اهلا بيه و هانناقشه لو كان هايدينا نتايج احسن فاهلا و سهلا و لو ماكانش يبقي باي باي

نبدا في الاستراتيجية
1-الادوات المطلوبة : برنامج 
altrade  و ياريت كلنا نفتح حساب ب 1000$ علي الديمو طبعا

2- المؤشرات المطلوبة

-مؤشر parapolic sar باعدادته الموجودة
-مؤشر parapolic sar باعدادت0.01 و 0.1
-مؤشر fib pivot بيعطينا 3 مقاومات و دعوم يومية هما 38% و 61.8% و 100%+ pivot
-مؤشر weekly fib pivot2 و هو بيدي اانقط المهمة فقط اللي هي pivot , 38% , 100% ,123%,138%
-مؤشر EMA50 close -مؤشرMESA لكشف التذبذب من تاليف الاخ حسام العزبي
-مؤشر hist step ma-stoch kv1
-تحديد بعض النقاط القوية علي شارت الاربع ساعات عشان ماندخلش في عكسها يعني مانشتريش و بعدينا ب 10 نقط مقاومة جامدة كنا و نقول احنا ليه خسرنا