استراتيجية حائط الصد
دي استراتيجية بسيطة جدا انا عملت عليها شوية باك تست بسيط و نتايجها ممتازة لكن التجربة هي خير دليل انا اساسا بتابع استراتيجية الديفرجنس و هي الاساسية بالنسبة لي و ان شاء الله نبدأ رحلة المليون يوم 22-1-2007 لكن جت في دماغي فكرة قلت نناقشها سوا و يمكن تنجح و تبقي استراتيجية قوية و تدينا نقط كويسة بس مش عاوز حد يسأل انت من امتي بتجربها و جابت كم نقطة؟ لاني هابدأ اجربها الاسبوع دة لكن عملت عليها باك تست الفترة اللي فاتت و كانت النتايج ممتازة انا عرضتها هنا قبل ماجربها عشان نجربها مع بعض و نطورها لغاية ماتكون استراتيجية يعتمد عليها الموضوع بكل بساطة احنا بنستخدم مؤشرين بس 1-fibo pivot weekly 2 و دة بيدينا خطوط pivot و 38 و 100 و دول اللي يهمونا حسب الاستراتيجية الاساسية اللي اقترحها الاخ علاوي 2- مؤشر mpi pz ودة مؤشر البيفوت زون بتاع استراتيجية موجو الشارت المستخدم هو شارت الساعة الميتاتريدر هي تبع altrade الازواج هي جميع الازواج التوقيت من الساعة 12 بعد منتصف الليل بتوقيت القاهرة نبدأ المتابعة و ننام و نصحي علي االسوق الاوروبي ثم الامريكي طريقة العمل 1-الساعة 12 كل يوم نختار الازواج اللي فيها الpz ساند علي احد خطوط البيفوت ويكلي اللي هما 38% و 100% و pivot الهدف اننا نلاقي منطقة عبارة عن حائط صد يعني السعر يبقي مش عارف يعمل ايه منها غير انه يهرب في اي حتة طيب يعني ايه ساند ؟ يعني الحيطة اللي هي الpz لو كانت فوق الخط مش اكتر من 5-10 نقط حسب طبيغ\عة الازواج نستني اشارة لونج و الحيطة لو كانت تحت الخط ب 5-10نقط نستني اشارة شورت اما اذا كان الخط جوة الحيطة يبقي نستني اي اشارة منهم طيب يعني ايه هي الاشارة؟ الاشارة هي ملامسة الحائط او الدخول فيه ثم اغلاق شمعة خارجه يعني لو عندنا شمعة لمست الحيطة و قفلت بره دي اشارة دخول لينا و لو عندنا شمعة لمست الحيطة و كملت و اغلقت جواها ننتظر شمعة تانية تغلق خارج الحيطة في الاتجاه المطلوب الهدف هو الخط التالي او 40 نقطة ايهما اقرب و الازواج البطيئة 25-30 نقطة الدخول عند طرف الحيطة قبلها ب5 نقط الستوب الناحية التانية من الحيطة فوقها ب 10 نقط طيب الكلام ممكن يكون صعب لكن الشارتات هي اللي بتوضح بساطة الموضوع نبدأ بمثال من الاسبوع اللي فات cad jpy 8/1/2007 الحائط كان مسنود علي خط البيفوت يعني تحتيه ب 5 نقط تقريبا و بما انه تحته و في بينهم فاصل 5 نقط يبقي الدخول شورت اليوم فتح جوة الحيطة يبقي اتحقق الشرط الاول و هو التلامس مع الحائط شمعة الساعة 1 اغلقت تحت الحائط اذا اشارة دخول شورت من عند الحائط تقريبا مانزودش عن 5-6 نقط و بالتالي ندخل شورت من شمعة الساعة 2 عند 101.03 الهدف 40 نقطة 100.63 
0 التعليقات: