كأننا راكبين قطار سكة حديد يقف فى محطة تلو الأخرى .. وبما أن الموضوع كله حسابى يبقى لآزم نحسب التكلفة كويس عشان اللى بيشتغل بفلوس صغيرة زى حلاتى المارجن ميقفلش على صباعه ولا إيه؟!
الموضوع سهل قوى وحنتكلم برضه على الباوند دولار .. بس بعد ما نعرف المحطة الواحدة تتكلف كام .. كأننا نلعب بنك الحظ أو المونوبلى وبنبنى سوق أو جراج أو أستراحة .
المحطة محتاجة كمية موجبة وكمية سالبة .. أى كمية بيع وكمية شراء .. الكلام على المارجن طبعاً .. وأيضاً تحتاج تكلفة هيدج وهى فى طريقتنا حتبقى سبيرد * 2 .. أى عدد النقط السالبة بين الموجب والسالب
خلينا عمليين : مثال
سعر الباوند حالياً فوق (1.9100/5) ودى أنا عايز أبنى فيها محطة وتحت (1.9135/40) ودى برضه عايز أبنى فيها محطة .. يبقى أعرف تمن المحطة كام .. كل واحد يحسبها على رأس ماله .. لو فتح الأسبوع الجاى والسعر نزل وصل للنقطة (1.9100/5) حنعمل أمرين لعمل المحطة .. متفكرش دلوقتى فى التارجت والستوب عشان نعرف نبنى المحطة إزاى الأول .. فكر بس فى إنشاء المحطة كنقاط دخول فقط .. إيه الأمرين المعلقين لحين نزول السعر للنقطة دى؟!
بيع ستوب الباوند دولار على 1.9100
شراء ليمت الباوند دولار على 1.9105
فيه فرق طبعاً كبير بين ستوب وليمت .. ستوب لما يكون مع اتجاه السعر وليمت لما يكون عكس اتجاه السعر .. يعنى النقطة اللى عايز أدخل عندها لو نزل السعر أدخلها شراء بليمت وبيع بستوب .. ولو النقطة دى فوق وعايز أطلعلها بدخلها بيع بليمت وشراء بستوب
طيب نرجع لموضوعنا لو وصلنا لنقطة (1.9100/5) ودخلنا إزاى نحسب التكلفة؟
بسيطة السبيرد * 2 = 10 نقاط
وفيه المارجن بتاع الأوردرين
يعنى لو اللوت عندك ب 10$ يبقى حيحجز 20$ مارجن وخسارة هيدج 1$ يبقى المجموع 21$ ثمن المحطة الواحدة
لو اللوت ب 100$ يبقى حيحجز 200$ مارجن وخسارة هيدج 10$ يبقى المجموع 210$ ثمن المحطة الواحدة
عرفنا كده تكلفة المحطة وعرفنا نسبها بالنسبة لرأس المال .. طيب أنا محتاج محطة واحدة؟ .. لأ طبعاً أنا محتاج محطات كتير .. كل 105 نقطة محتاج 3 محطات .. يعنى كل 350 نقطة محتاج 10 محطات .. لآحظ الفرق بين كل محطة والأخرى 35 نقطة
طب من الآخر محتاج كام محطة؟!
لو أفترضنا الأسبوع القادم سيتراوح بين هاى ولو 1400 نقطة وده رقم كبير طبعاً .. فيه أسابيع كتير مبتعديش 200 نقطة .. ده كمان ممكن شهور وشهور ميجبش الرقم ده
لو هما 1400 تكلفتهم عليا كام؟
1400 / 35 فرق النقاط بين المحطات = 40 محطة
دول ممكن يكفونا سنة نشتغل عليهم من غير ما نطلع براهم وتخيل كمية التذبذبات بينهم قد إيه .. نكون لمينا حقهم 10 مرات بس نبنيهم صح
لو هما 40 محطة وأنت بتكلف المحطة 21$ يبقى أنت محتاج 840$ لبناء المحطات
لو 210$ يبقى محتاج 8400$ لبناء المحطات
متتخضوش من المبالغ المصروفة .. دى حتلمها تانى أضعاف مضاعفة على المدى البعيد .. تقدر تقول إنك بتبنى سكة حديد وحتلم فلوسها من تذاكر الركاب فيما بعد
طب دى تكلفة المحطات .. فيه تكلفة القضبان اللى حتربط المحطات ببعض
إيه ده؟! هو إحنا لسه حنبنى قضبان؟!
أمال يعنى عايز تنقل الركاب إزاى .. دى مشروع كبير قوى بس حتلم تمنه عشر أضعافه على الأقل كل 6 شهور
طب القضبان دى عبارة عن إيه بقى؟!
أحنا حسبنا على 1400 نقطة محتاجين ثمنهم فى حسابك
ليه؟!
مش وقته حتعرف كل حاجة فى وقتها بس خلينا فى حساب التكاليف عشان ما نتشتتش
1400$ للى شغال اللوت ب 10$ 14.000$ للى شغال اللوت ب 100$
يبقى التكاليف كلها 840 + 1400 = 2240$ للحسابات الصغيرة
و 22.400$ للحسابات الكبيرة
وكل واحد يحسب هو يقدر يبنى مشروعه بكام
طيب واللى مش معاه كل المبلغ ده يعمل إيه؟ ما يشتغلش؟
لا طبعاً ممكن وبدون مغامرة كمان .. أعمل قطر صغير شوية محطاته 10 وطول القضبان 350 وبنفس الحسابات
0 التعليقات: